ახალი ზელანდიის კომერციის კომისიის (NZCC) წარმომადგენელმა მკაცრად გააფრთხილა უკანონო საქმიანობაში ჩართული პირები, შემდეგი სიტყვებით: „ჩვენ თქვენთან მოვდივართ“. მან ხაზი გაუსვა, რომ სახელმწიფო შესყიდვებში კარტელური გარიგებები საზოგადოებასა და გადასახადების გადამხდელებს აზარალებს.
გამოძიება და პრიორიტეტები: სახელმწიფო უწყებები ყოველწლიურად დაახლოებით 51.5 მილიარდ დოლარს ხარჯავენ შესყიდვებზე. შესაბამისად, სახელმწიფო შესყიდვებში კარტელებთან ბრძოლა კომისიის პრიორიტეტია. გამოძიებები მიმდინარეობს უძრავი ქონებისა და სურსათის სექტორებში
ანონიმური შეტყობინება და შეღავათების პროგრამა (Leniency): დარღვევების გამოვლენაში მნიშვნელოვან როლს თამაშობს ანონიმური შეტყობინების ინსტრუმენტი და შეღავათების პროგრამა. კარტელის პირველ წევრს, რომელიც ინფორმაციას კომისიას მიაწვდის, შეუძლია მიიღოს სრული იმუნიტეტი სისხლისსამართლებრივი დევნისგან (მათ შორის ციხისა და ჯარიმებისგან).
სამართლებრივი ჩარჩო: კარტელური შეთანხმებები აკრძალულია ვაჭრობის შესახებ კანონის (Commerce Act) 30-ე მუხლით. 2021 წლის 8 აპრილიდან კარტელური საქმიანობა სისხლის სამართლის დანაშაულია და ისჯება 7 წლამდე თავისუფლების აღკვეთით.


წყაროს ნახვა