ეს არის CCS-ის მიერ ჩატარებული ყველაზე მსხვილი გამოძიება ყალბი შეფასებების საქმეზე. გამოძიების პირველ ეტაპზე გამოვლინდა ყალბი შეფასებების პროვაიდერი და 47 კომპანია. მათგან 45-მა აღიარა დანაშაული, ხოლო 2-ის მიმართ გამოძიება გრძელდება. სერვისის პროვაიდერმა (Reputifly Pte. Ltd. და მისი დამფუძნებელი ჯულიან ტუნგ იან კაი) Generative AI-ისა და Telegram-არხების გამოყენებით შექმნა ყალბი 5-ვარსკვლავიანი შეფასებების ქსელი. AI გამოიყენებოდა რეალური მომხმარებლის ენის, სტილისა და ადგილობრივი კონტექსტის იმიტაციისთვის. კომპანიებსა და პროვაიდერს დაევალათ უსამართლო პრაქტიკის დაუყოვნებლივ შეწყვეტა და ყალბი მიმოხილვების წაშლა. სამართალდამრღვევებს დაეკისრათ ვალდებულება, 6 თვის განმავლობაში თავიანთ ვებგვერდებზე, სოციალურ ქსელებსა და ფილიალებში გამოაქვეყნონ საჯარო ბოდიში. ყალბი შეფასებების პროვაიდერმა იკისრა ვალდებულება, მიღებული შემოსავალი ნებაყოფლობით გადარიცხოს საქველმოქმედო ფონდში.


წყაროს ნახვა