აშშ-ის ფედერალურმა სავაჭრო კომისიამ (FTC) და კონექტიკუტის შტატის გენერალურმა პროკურატურამ ავტოდილერ Manchester City Nissan-თან (იურიდიული სახელი: Chase Nissan LLC), მის მფლობელებსა და მენეჯერებთან 4 მილიონი დოლარის ოდენობის საპროცესო შეთანხმება გააფორმეს. გამოძიება კომპანიას მომხმარებლების მოტყუებაში, ფარული გადასახადებისა და ყალბი ტარიფების დაწესებაში ადანაშაულებდა.
რით ატყუებდა დილერი მომხმარებლებს?
სასამართლო დავა უწყებებმა ჯერ კიდევ 2024 წლის იანვარში დაიწყეს. დილერის შიდა მონაცემების შესწავლისას აღმოჩნდა, რომ კომპანია სისტემატურად სძალავდა ათასობით დოლარს კლიენტებს უკანონო გზებით:
• ორმაგი გადასახადი სერტიფიცირებაზე: მომხმარებლებს, რომლებსაც ყიდულობდნენ წინასწარ სერტიფიცირებულ მეორად ავტომობილებს (certified pre-owned), დილერი აიძულებდა, ხელმეორედ გადაეხადათ სერტიფიცირების საფასური.
• ფარული სერვისები: მომხმარებელთა თანხმობისა და ცოდნის გარეშე, სალიზინგო და ფინანსურ ხელშეკრულებებში ხელოვნურად ამატებდნენ სხვადასხვა სავალდებულო დაზღვევასა და სერვისს (მაგალითად, სრული ზარალისგან დაცვის პაკეტს).
მკაცრი სანქციები და ახალი ვალდებულებები
გარდა იმისა, რომ კომპანიამ 4 მილიონი დოლარი უნდა გადაიხადოს დაზარალებული მომხმარებლებისთვის კომპენსაციის სახით, სასამართლო დადგენილებით მას დაეკისრა შემდეგი მკაცრი მოთხოვნები:
1. ფასების სრული გამჭვირვალობა: კომპანიას ვებგვერდსა თუ სალონში გამოკრულ ფასში ყველაზე თვალსაჩინო ადგილას უნდა ჰქონდეს მითითებული ავტომობილის მაქსიმალური და საბოლოო ღირებულება. ამ ფასს მიღმა შეიძლება არსებობდეს მხოლოდ სახელმწიფო სავალდებულო მოსაკრებლები.
2. მკაფიო თანხმობა: ნებისმიერი დამატებითი მომსახურების საფასურის დაკისრებამდე, დილერი ვალდებულია მიიღოს კლიენტის მკაფიო და წერილობითი დასტური.
3. სიცრუის აკრძალვა: კომპანიას მკაცრად აეკრძალა ყალბი ინფორმაციის გავრცელება ავტომობილის სერტიფიკატებსა თუ მწარმოებლის გარანტიებზე.


წყაროს ნახვა