კონკურენციის ტერმინთა განმარტებითი ლექსიკონი

მცირე წილების (აქციების) ფლობა აღწერს სიტუაციას, როდესაც აქციონერი ფლობს კომპანიის სააქციო კაპიტალის ან ხმის უფლების 50%-ზე ნაკლებს. მცირე წილების ფლობამ შესაძლოა შემძენს მიანიჭოს „კონტროლი“ ან „გავლენა“, ან კვალიფიცირდეს როგორც „არაკონტროლირებადი“ ფლობა (ასევე ცნობილია როგორც „სტრუქტურული კავშირები“). ეკონომიკური თეორიის თანახმად, კონკურენტებს შორის მცირე წილების ფლობამ, გარემოებებიდან გამომდინარე, შესაძლოა წარმოშვას სხვადასხვა ხასიათისა და ხარისხის კონკურენციის საწინააღმდეგო რისკები. თუმცა, ევროპისა და აშშ-ის კონკურენციის სამართლის რეჟიმებს აქვთ შესაძლებლობა, მოახდინონ პოტენციურად კონკურენციის საწინააღმდეგო მცირე წილების ფლობის იდენტიფიცირება და პრევენცია შერწყმის კონტროლისა თუ ანტიმონოპოლიური წესების მეშვეობით.